Me qëllim të përmbushjes së obligimeve që burojnë nga Kushtetuta dhe Ligji për KGJK-në, si dhe garantimit të një sistemi gjyqësor efikas, të pavarur, të paanshëm, të qasshëm për të gjithë, KGJK ka të aprovuara 5 Plane Strategjike:

Plani i Veprimit për Menaxhimin e Krizës – Ky Plan i Veprimit është hartuar nga Këshillit Gjyqësor i Kosovës që të siguroj vazhdimin e funksionimit të institucioneve gjyqësore në rrethanat e situatave emergjente, duke përfshirë masat e rrepta të emergjences shëndetësore, relaksimin e masave ose rikthimin eventual të situatës së emergjenceës. Qëllimi i ketij plani është që të sigurojë mbarëvajtjen e punës në sistemin gjyqësor të Kosovës për një periudhe me të gjatë kohore, duke ju përshtatur rrethanave emergjente dhe në përputhshmeri me vendimet e institucioneve relevante. Në situatën e tanishme ky plan i referohet vendimeve të institucioneve shëndetësore të Kosovës për pandeminë COVID-19, situatës së krijuar në terren dhe vendimeve /udhëzimeve të nxjerra nga Këshilli. Më shumë

Planin Strategjik për Gjyqësorin e Kosovës, për perioudhën 2020-2022 – Ky Plan Strategjik është produkt i kontributit entuziast të të gjithë sektorëve të drejtësisë dhe paraqet një mjet shumë të nevojshëm dhe të dobishëm për menagjimin strategjik të gjyqësorit të Kosovës. Ky plan pritet që të shërbejë si instrument për ta udhëzuar gjyqësorin e Kosovës që të arrijë nga ku është sot, atje ku aspiron të jetë gjatë pesë viteve të ardhshme. Për secilin qëllim të paraparë në plan, janë hartuar edhe objektiva konkrete si dhe një plan i detajuar i veprimit për t’i realizuar ato. Më shumë

Planin Strategjik për Gjyqësorin e Kosovës, për perioudhën 2014-2019 – Ky Plan Strategjik është produkt i kontributit entuziast të të gjithë sektorëve të drejtësisë dhe paraqet një mjet shumë të nevojshëm dhe të dobishëm për menagjimin strategjik të gjyqësorit të Kosovës. Ky plan pritet që të shërbejë si instrument për ta udhëzuar gjyqësorin e Kosovës që të arrijë nga ku është sot, atje ku aspiron të jetë gjatë pesë viteve të ardhshme. Për secilin qëllim të paraparë në plan, janë hartuar edhe objektiva konkrete si dhe një plan i detajuar i veprimit për t’i realizuar ato. Më shumë

Strategjinë Kombëtare për Reduktimin e Lëndëve të Vjetra – Reduktimi i lëndëve të vjetra është një nga çështjet më kritike me të cilat përballet gjyqësori i Kosovës. Kjo Strategji ka për qëllim reduktimin sa më të madh të lëndëve të vjetra me të cilat përballen gjykatat e Kosovës. Kjo përfshinë lëndët të cilat janë klasifikuar “si të vjetra” dhe ato lëndë të cilat do të bëhen “të vjetra” po që se nuk ndërmerren veprime me kohë për zgjidhjen/mbylljen e tyre. Strategjia tanimë përkufizon lëndët e vjetra si lëndë të cilat janë parashtruar para vitit 2012, (gjer më 31 dhjetor 2011). Më shumë

Strategjinë e Komunikimit, për periudhën 2014-2019 – Përmes kësaj Strategjie synohet të fuqizohet bashkëpunimi në mes të KGJK-së dhe gjykatave të Republikës së Kosovës me mediat, shoqërinë civile dhe qytetarët. Kjo Strategji udhëzon KGJK-në dhe gjykatat që të koordinohen çdo herë kur përcjellin informacion tek mediat dhe komunikojnë me publikun e gjerë, në mënyrë që pozicioni dhe zëri i gjyqësorit të jetë i unifikuar. Më shumë

Strategjia TIK, për periudhën 2012-2017 – Nëpërmjet realizimit të kësaj Strategjie, KGJK do të bëjë transformimin e gjykatave të Kosovës në gjykata elektronike, të cilat do ta përdorin një bazë qendrore të të dhënave dhe një infrastrukturë adekuate të TIK-ut dhe do t’i këmbejnë të dhënat dhe shkresat në formë elektronike brenda sistemit gjyqësor të Kosovës, si dhe me sistemet e tjera përkatëse të TIK-ut në Kosovë dhe jashtë vendit. Më shumë