Komisioni për Çështje Normative ka kompetencë të propozojë dhe rishikojë rregulloret dhe aktet nënligjore për funksionimin e Këshillit dhe gjyqësorit. Aktet normative zakonisht dërgohen tek Komisioni për rekomandime dhe ndryshime të mundshme, para se të dërgohen në Këshill për miratim.

Sipas Rregullores së brendshme, Komisioni ka kompetencë të:

• monitorojë dhe komentojë, me kërkesë të Këshillit, për legjislacionin e propozuar në lidhje me gjyqësorin, për të siguruar parandalimin e shkeljes së parimit të ndarjes së pushteteve;
• mbajë kontakte me homologët nga Kuvendi dhe Ministria e Drejtësisë për të siguruar që interesat e gjyqësorit janë marrë parasysh në legjislacionin e propozuar ;
• formulojë mendime ligjore për rastet para Gjykatës Kushtetuese në të cilën Këshilli është palë;
• harton dhe miraton planin vjetor të punës, si dhe raporton në Këshill një (1) herë në vit.
• me kërkesë të Këshillit, të adresojë çështje tjera të lidhura me rregullat e brendshme apo çështjet legjislative.

Sekretare e Komisionin për Çështje Normative:
Ajshe Zejnullahu
Zyrtare e Lartë Ligjore – Sekretariati i Këshillit Gjyqësor të Kosovës
Email: Ajshe.Zejnullahu@rks-gov.net
Tel: +383 (0)38 200 17 435