Komisioni për trajnime merret me cështjet që lidhen me trajnimin e gjyqtarëve, duke përfshire llojet e trajnimeve, si dhe bënë përcaktimin e strukturës menaxhuese në kuadër të Këshillit Gjyqësor të Kosovës dhe Gjykatave. Në ushtrimin e funksioneve të tyre Komisioni bashkëvepron nga afër me Akademinë e Drejtësisë së Kosovës. Ky Komision ushtron detyra dhe përgjegjësi bazuar në rregulloren për trajnimin e gjyqtarëve të miratuar nga Këshilli.
Sipas rregullores së lartëcekur, Komisioni ka kompetencë të:
- këshillojë Këshillin dhe institucionet tjera përkatëse lidhur me trajnimin dhe programet tjera edukative për gjyqtarë, gjyqtarë porotë dhe stafin administrativ;
- koordinojë aktivitetet lidhur me trajnimin e gjyqtarëve në kuadër të KGJK-së dhe gjykatave, përfshirë procesin e identifikimit të nevojave të trajnimit;
- harton dhe miraton planin vjetor të punës, si dhe raporton në Këshill sipas nevojës.
- shërbejë si organ koordinues në mes të KGJK-së dhe Akademisë së Drejtësisë.
Në bazë të rregullores gjyqtarët ndjekin trajnimin fillestar trajnimet e vazhdueshme obligative dhe trajnimet e vazhdueshme. Gjyqtaret në bazë të përvojes, gjatë një vitit kalendarik duhet të kalojnë në trajnim të paktën periudhen kohore si në vijim:
- Gjyqtaret me pervoje pune si gjyqtar mbi 20 vite- 2 (dy) ditore.
1.2. Gjyqtaret me pervoje pune si gjyqtar nga 10 deri ne 20 vite – 5 (pese) ditore.
1.3. Gjyqtaret me pervoje pune si gjyqtar nga 5 deri ne 10 vite – 6 (gjashte) ditore.
1.4. Gjyqtaret me pervoje pune si gjyqtar nga 3 deri ne 5 vite – 7 (shtate) ditore.
Përjashtimisht gjyqtarët që janë 2 (dy) vite para pensionimit janë të liruar nga trajnimet obligative.
Antarët e Komisionit për Trajnime janë:
- Vilard Bytyqi, kryetar i komisionit,
- Avni Mehmeti, anëtar i komisionit,
- Radojka Trifunović, anëtare e komisionit,
- Cerim Fazliji, anëtar rezervë i komisionit.
Sekretare e Komisionit për Trajnime:
Adelina Jusufi
Zyrtare Ligjore-Sekretariati i Këshillit Gjyqësor të Kosovës
Email: Adelina.Jusufi@gjyqesori-rks.org
Tel: +383 (0)38 200 17 421