Asambleja e Kryetarëve të Gjykatave dhe Gjyqtarëve Mbikëqyrës (Asambleja), ka rol Këshillëdhënës për Këshillin Gjyqësor të Kosovës (KGJK), e cila funksionon në bazë të Rregullores Nr.07/2017 për Organizimin dhe Funksionimin e Asamblesë, të miratuar nga KGJK me datë 16 nëntor 2017.

Asamblenë e Kryetarëve të Gjykatave dhe Gjyqtarëve Mbikëqyrës e përbëjnë: Kryetari i Gjykatës Supreme, Kryetari i Gjykatës së Apelit, Kryetarët e Gjykatave Themelore, si dhe nga një (1) Gjyqtar Mbikëqyrës nga secila Gjykatë Themelore, të emëruar nga Këshilli.

Çdo vit Këshilli cakton për anëtar të Asamblesë gjyqtar të ndryshëm mbikëqyrës nga rajoni i çdo gjykate themelore sipas rendit alfabetik të degëve të secilës gjykatë.

Mandati i Asamblesë si trup Këshillëdhënës në çështjet që ndërlidhen me veprimet e gjykatave është duke dhënë Propozime dhe Rekomandime për çështjet si në vijim:

• performancën e gjykatave në zgjidhjen e lëndëve gjyqësore;
• hartimin e ligjeve, rregulloreve dhe udhëzimeve, ndryshimin dhe plotësimin e tyre që kanë të bëjnë me veprimet e gjykatave;
• lidhur me personelin e gjykatave;
• infrastrukturën, buxhetin dhe prokurimin e gjykatave;
• çështjet e sigurisë dhe aspektet e tjera që ndërlidhen me punën dhe veprimtarinë e gjykatave.

Takimet e Asamblesë thirren nga Kryesuesi i Asamblesë së paku dy (2) herë në vit, të cilat janë të hapura për publikun.

Sekretare e Asamblesë së Kryetarëve të Gjykatave dhe Gjyqtarëve Mbikëqyrës:
Diellza Hondozi – Bejtullahu
Zyrtare Ligjore-Sekretariati i Këshillit Gjyqësor të Kosovës
Email: Diellza.Hondozi@gjyqesori-rks.org
Tel: +383 (0) 38 200 17 412