Paneli për Lirim me Kusht (tutje: Paneli) është kompetent për shqyrtimin e të gjitha kërkesave për lirim me kusht, të parashtruar nga të dënuarit përmes Institucioneve Korrektuese.

Lirimi me kusht si procedure ligjore synon të arrije zvogëlimin e efekteve negative të burgosjes për personat e dënuar, parandalimin e kryerjes së veprave penale, duke ofruar mundësine për rehabilitim dhe ri-integrim të personit të dënuar në shoqëri, përgatitjen për ri-integrim me qëllim që personi i dënuar ta menaxhoje jetën e tij në një mënyre të përgjegjshme, shoqërore, dhe pa ra ndesh me ligjin pas lirimit, mbrojtjen e shoqërisë duke ndihmuar në parandalimin e kryerjes së veprave penale të mëtejshme.
Në mënyrë që një kërkese për lirim me kusht të shqyrtohet nga Paneli, duhet të përmbush kushtet ligjore për kualifikueshmëri për lirim me kusht të përcaktuar në nenin 90 të Kodit Penal të Republikës së Kosovës.

Dosjet e të dënuarve që shqyrtohen nga Paneli përmbajn raportet sipas Ligjit Nr. 08/L-132 mbi Ekzekutimin e Sanksioneve Penale, të përgatitura nga ekipet profesioniste të Institucioneve Korrektuese në Kosovë, si dhe dokumente të tjera të përcaktuara në Rregulloren nr. 12/2023 për Punën e Panelit për Lirim me Kusht.

Paneli mbështetet nga Koordinatori, roli dhe funksioni i të cilit është përcaktuar në kuadër të Sekretariat të Këshillit Gjyqësor të Kosovës. Koordinatori i Panelit është përgjegjës për të gjitha punët dhe aktivitetet mbështetëse të Panelit, duke u kujdesur për mbarëvajtjen e punëve të Panelit për Lirim me Kusht dhe zbatimin e legjislacionit në fuqi për procedurat përkatëse me rastin e pranimit dhe shqyrtimit të kërkesave të personave të dënuar, të parashtruara nga Shërbimi Korrektues i Kosovës, si dhe koordinon aktivitetet me Shërbimin Sprovues të Kosovës, në lidhje me mbikëqyrjen e personave të liruar me kusht.