1.1. Ndihmon Këshillin për të zbatuar rregullat, rregulloret dhe politikat lidhur me buxhetin, menaxhimin dhe administrimin e gjykatave;
1.2. Sipas udhëzimeve të Këshillit harton akte nënligjore, që janë të nevojshme për ushtrimin e funksioneve të Këshillit dhe zbatimin e Ligjit për Këshillin Gjyqësor. Propozimet dhe iniciativat e Sekretariatit, pas përgatitjes i dërgohen Këshillit për miratim;
1.3. Sipas udhëzimeve të Këshillit, përgatitë propozim – buxhetin e konsoliduar për gjyqësorin;
1.4. Administron buxhetin e miratuar të gjyqësorit;
1.5. Menaxhon me personelin administrativ dhe mbështetës të gjyqësorit, bazuar në ngarkesën me punë, mirëmbajtjen e regjistrave të personelit, themelimin e sistemit të vlerësimit të performancës, sigurimin e disiplinimit të duhur të punonjësve të gjykatës si dhe mbrojtjen e të drejtave të tyre të punës, siç përcaktohet me legjislacionit në fuqi dhe aktet e miratuara nga Këshilli;
1.6. Siguron që gjykatat të kenë furnizim të duhur dhe me kohë me materialet e nevojshme për funksionimin efikas dhe efektiv të gjykatave;
1.7. Ofron mbështetje administrative dhe profesionale për Këshillin dhe komisionet e Këshillit dhe ndërmerr detyra dhe autorizime të tjera sipas udhëzimeve të Këshillit;
1.8. I ofron njësive të Këshillit mbështetje buxhetore dhe administrative sipas Ligjit, rregulloreve dhe udhëzimeve të Këshillit;
1.9. Ushtron detyra të tjera të përcaktuara nga Këshilli.

Struktura Organizative e Sekretariatit

1. Struktura organizative e Sekretariatit të Këshillit është si vijon:

1.1. Zyra e Drejtorit të Përgjithshëm të Sekretariatit;
1.2. Njësia për Menaxhimin e Burimeve Njerëzore;
1.3. Zyra për Integrime Evropiane;
1.4. Zyra Qendrore për Evidence Penale;
1.5. Zyra për Përkthime;
1.6. Departamenti për Teknologji Informative;
1.6.1.Divizioni për Infrastrukture të TI-së;
1.6.2.Divizioni për Aplikacione;

1.7. Departamenti për Logjistikë dhe Infrastrukturë:
1.7.1.Divizioni për Transport dhe Siguri;
1.7.2 Divizioni për Infrastrukturë dhe Furnizime;
1.7.3.Divizioni për Administrim të Dokumenteve dhe Arkivë;

1.8. Departamenti për Çështje Ligjore:
1.8.1.Divizioni për Mbështetje të Këshillit, Komisioneve dhe Paneleve;
1.8.2.Divizioni për Mbikëqyrje të Zbatimit të Akteve të Këshillit dhe për Përfaqësim Gjyqësor;

1.9. Departamenti për Buxhet dhe Financa;
1.9.1.Divizioni për të Hyra dhe Pasuri;
1.9.2. Divizioni për Buxhet dhe Financa;

1.10. Departamenti për Prokurim:
1.10.1.Divizioni për Menaxhim të Kontratave dhe Tenderëve.