Në mbështetje  e Kushtetutës së Republikës së Kosovës  dhe Ligjit 06/L-055  për Këshillin Gjyqësor të Kosovës, në mandatin e KGJK-se është që të vendos:

• Vendos për organizimin, menaxhimin, administrimin dhe mbikëqyrjen e funksionimit të gjykatave sipas ligjit;
• Per propozimin tek Presidenti të  emërimit, riemërimit dhe shkarkimit të gjyqtarëve, si dhe siguron se të gjithë kandidatët e propozuar t’i plotësojnë kriteret e përcaktuara me ligj, sipas procedurave përkatëse ligjore;
• I propozon Presidentit emërimin dhe shkarkimin e Kryetarit të Gjykatës Supreme të Kosovës, siguron se kandidati i propozuar i plotëson kriteret e përcaktuara me ligj dhe janë zhvilluar procedurat përkatëse; 1.4. vendos për përzgjedhjen, emërimin dhe shkarkimin e Kryetarit Gjykatës së Apelit, të kryetarëve të Gjykatave Themelore dhe gjyqtarëve mbikëqyrës;
• Siguron zbatim dhe mbikëqyrë kriteret për pranim në gjyqësor, të cilat duhet të bëhen në pajtim me parimet e meritës, mundësive të barabarta, barazisë gjinore, mosdiskriminimit dhe përfaqësimit të barabartë, në bazë të konkursit publik dhe pas verifikimit të zotësisë së veprimit të kandidatëve;
• Vendos për shpalljen e konkurseve për kandidatët për pozita në gjyqësor;
• Vendos për organizimin e provimit për kandidatët për gjyqtarë sipas rregullores së miratuar nga Këshilli;
• Vendos dhe mbikëqyrë zbatimin e kritereve për përbërjen etnike të juridiksionit territorial të gjykatës përkatëse dhe për plotësimin e vendeve të lira të punës, të garantuara për anëtarë të komuniteteve që nuk janë shumicë në Kosovë;
• Vendos për numrin e gjyqtarëve në secilin juridiksion
• Rekomandon themelimin e gjykatave të reja dhe degëve të gjykatave, në pajtim me Ligjin për Gjykatat;
• Bën inspektimin gjyqësor;
• Administron gjyqësorin;
• Harton dhe mbikëqyrë buxhetin për gjyqësorin;
• Vendos për avancimin, transferimin dhe disiplinimin e gjyqtarëve;
• Vendos kriteret për vlerësimin e rregullt të gjyqtarëve;
• Vendos për ngarkesën me lëndë të gjykatave;
• Siguron funksionimin efikas të gjykatave.
• Vendos dhe mbikëqyrë kriteret për përcaktimin e politikave, standardeve dhe udhëzimeve lidhur me trajnimin e gjyqtarëve, gjyqtarëve porotë dhe personelit tjetër gjyqësorë dhe mbikëqyrjen e zbatimit të trajnimit profesional të gjyqtarëve dhe gjyqtarëve porotë;
• Miraton Kodin e Etikës Profesionale për anëtarët e Këshillit, gjyqtarëve dhe gjyqtarëve porotë si dhe Kodin e Etikës për stafin administrativ gjyqësor, shkelja e të cilit është bazë për sanksione, përfshirë shkarkimin nga funksioni;
• Vendos për miratimin e skemës unike të taksave gjyqësore të zbatueshme në mbarë territorin e Republikës së Kosovës;
• Siguron menaxhimin e sistemit qendror të evidencës penale sipas rregullores së miratuar nga Këshilli;
• Miraton raportin vjetor mbi veprimtaritë e gjykatave dhe shpenzimet e buxhetit për gjyqësorin;
• Bashkëpunon me këshillat gjyqësore të shteteve të tjera dhe organizatat përkatëse vendore dhe ndërkombëtare, me kusht që të mos ndikojë në pavarësinë e punës së tij;
• Miraton aktet nënligjore në funksion të zbatimit të detyrave dhe përgjegjësive të tij, në pajtim me legjislacionin në fuqi;
• Kryen detyra të tjera të përcaktuara me ligj.

 

Këshilli, siç është përcaktuar me Nenin 108 të Kushtetutës, dhe me nenin 8 të Ligjit 06/L-055 për Këshillin Gjyqësor të Kosovës  përbëhet nga trembëdhjetë (13) anëtarë, me kualifikime dhe ekspertizë profesionale. Anëtarët zgjedhën në këtë mënyrë:

• Shtatë (7) anëtarë do të jenë gjyqtarë të zgjedhur nga anëtarët e gjyqësorit, si në vijim:
• dy (2) gjyqtarë të Gjykatës Supreme;
• dy (2) gjyqtarë të Gjykatës së Apelit;
• tre (3) gjyqtarë të Gjykatave Themelore.
• Dy (2) anëtarë i zgjedhin deputetët e Kuvendit, të cilët i mbajnë vendet e fituara gjatë ndarjes së përgjithshme të vendeve dhe të paktën njëri prej këtyre të dyve, duhet të jetë gjyqtar;
• Dy (2) anëtarë i zgjedhin deputetët e Kuvendit, të cilët i mbajnë vendet e rezervuara ose të garantuara për përfaqësuesit e komunitetit Serb në Kosovë, dhe të paktën njëri prej këtyre të dyve, duhet të jetë gjyqtar;
• Dy (2) anëtarë i zgjedhin deputetët e Kuvendit, të cilët mbajnë vendet e rezervuara ose të garantuara për përfaqësuesit e komuniteteve të tjera, dhe të paktën njëri prej këtyre të dyve, duhet të jetë gjyqtar.

Mandati i anëtarëve të Këshillit është mandat pesë vjeçar (5).

Vendimet e Këshilli Gjyqësor të Kosovës janë vendime të cilat Këshilli i ndërmarr në kuadër të Kompetencave dhe përgjegjësive të cilat burojnë nga Kushtetuta e Republikës së Kosovës dhe Ligji 06/L-055 për Këshillin Gjyqësor të Kosovës .

 

Takimet e Këshillit janë të hapura për publikun. Këshilli mund të vendos të mbajë takim të mbyllur për publikun me shumicën e votave të anëtarëve për çështjet si në vijim:

• Një sekret shtetëror zbulimi i të cilit do të ishte shkelje e ligjit;
• Çështje e personelit që kanë të bëjnë me gjyqtarë apo punonjës të gjyqësorit, përpos takimit të Këshillit ku merret një vendim përfundimtar disiplinor kundër një gjyqtari;
• Informacioni jo publik apo zbulimi i të dhënave që do të rrezikonin jetën apo sigurinë e cilitdo person;
• Një hetim në vazhdim për sjellje të pahijshme apo veprimtari kriminale zbulimi i së cilës në masë të arsyeshme do të rrezikonte objektivitetin dhe efikasitetin e hetimit;
• Vlerësimi i performansës se gjyqtarëve dhe nëpunësve administrative;
• Informacioni pronësor zbulimi i së cilës mund të paragjykonte interesat e cilësdo palë që konkurron për një tender qeveritar;
• Informacione, të dhëna, procese apo kode kompjuterike të biznesit pronësor të cilat janë konfidenciale sipas marrëveshjes kontraktuese apo marrëveshjes për mos zbulim ndërmjet tregtarit dhe Këshillit; dhe
• Cilido informacion tjetër zbulimi i të cilit do të përbënte shkelje të ligjit.

 

Vendimet e KGJK-se janë publike, përjashtimisht vendimet munden me qenë  jo publike nëse një gjë e tillë është e ndaluar me ligj.

 

Të gjitha aktet nënligjore të Këshillit Gjyqësor të Kosovës mund ti gjeni në uebfaqe në menunë kryesore tek Legjislacioni.

Për takimet e KGJK-së ju mund të informoheni përmes ueb portalit të KGJK-së, ku gjendet Kalendari i takimeve.

 

Sekretariati i KGJK-së ndihmon Këshillin në zbatimin e rregulloreve dhe politikave lidhur me menaxhimin, buxhetin dhe administrimin e gjykatave. Sipas udhëzimeve të Këshillit, Sekretariati menaxhon me personelin administrativ dhe mbështetës të gjyqësorit, përfshirë këtu alokimin e personelit administrativ dhe mbështetës në gjykata bazuar në ngarkesën me punë, mirëmbajtjen e regjistrave të personelit, themelimin e sistemit të vlerësimit të performancës, sigurimin e disiplinimit të duhur të punonjësve të gjykatës si dhe mbrojtjen e të drejtave të tyre të punësimit.

Nën përgjegjësinë e drejtorit, Sekretariati i KGJK-së, këshillon dhe ndihmon KGJK-në në kryerjen e detyrave e përgjegjësive të tij, në menaxhimin e gjyqësorit dhe të gjykatave dhe është përgjegjës për zbatimin e vendimeve të tij, si dhe është përgjegjës për të gjitha funksionet administrative dhe të hulumtimit që ndërlidhen me përkrahjen e Këshillit.

Njësia për Shqyrtim të Performancës së Gjyqësorit (NjShPGj), sipas udhëzimeve të Këshillit Gjyqësor të Kosovës dhe Komisionit të saj për Administrimin e Gjykatave, punon në zbatim të nenit 29 të Ligjit mbi Këshillin Gjyqësor të Kosovës.
NjShPGj i ofron KGJK-së analiza, vlerësime, rekomandime, këshilla dhe informata, në lidhje me aktivitetet e zhvilluara dhe të shqyrtuara në gjykata, me anë të të cilave do të promovohej kontrolli efektiv me kualitete të larta profesionale të të punësuarve, në kohë dhe me para të arsyeshme.

Ka për qëllim të rishikojë si është zbatuar korniza e caktuar ligjore, se proceset e gjyqësorit deri në ç’masë palëve u ofrohen dhe u respektohen të drejtat, të identifikojë zbrazëtirat apo kundërthëniet ligjore dhe pengesat që do të paraqiteshin, të identifikojë praktikat e mira në gjyqësor të cilat do të mund të zbatoheshin pa e dëmtuar kornizën ligjore të Këshillit Gjyqësor të Kosovës, të kuptojë pengesat që paraqiten tek gjykatësit gjatë ushtrimit të detyrës, si dhe përgatitë çdo informatë të kërkuar nga Këshilli Gjyqësor i Kosovës, për mirë ushtrimin e funksioneve gjyqësore.

 

Këshilli Gjyqësor i Kosovës është organ i mandatuar që të bëj administrimin e gjyqësorit, por që nuk ka kompetencë të ndërhyjë në punët e gjyqtareve. Në bazë të Kushtetutës dhe ligjeve,  gjyqtaret janë të pavarur në rastin e vendosjes në çështje që zhvillohet pran gjykatave. Andaj në mbështetje të legjislacionit  ne fuqi  të vendit tonë,  KGJK nuk mund t’iu një ndihmoj në një  çështje të tillë.

Jo. Ju nuk mund të ankoheni në Këshillin Gjyqësor të Kosovës ndaj gjyqtarëve të cilët kanë trajtuar rastet ku ju i keni humbur për shkak të mos vërtetimit të pretendimeve tuaja për çështjen e caktuar.

Sjellje e pahijshme / jo etike e gjyqtarit është çdo veprim që diskrediton pozitën dhe figurën e gjyqtarit si dhe imazhin e sistemit gjyqësor në Kosovë që përfshijnë:

1. Denimin përfundimtar për një vepër penale, përpos kundërvajtjeve siç përkufizohet me ligj;

2. Neglizhencë në kryerjen, dështim për të kryer apo abuzimin e funksioneve gjyqësore;

3. Dështim në kryerjen e funksioneve në mënyrë të paanshme dhe të pavarur dhe

4. Shkelje e kodit të etikës dhe sjelljes profesionale të gjyqtarëve.

 

Formularin e ankesës për sjellje të pahijshme mund ta gjeni në faqet e secilës gjykatë në menunë kryesore tek info për palët, ose duke klikuar në këtë link 

Jo. Çertifikatë që nuk jeni i dënuar për vepër penale e merrni në Gjykatë.

Këshillin Gjyqësor të Kosovës mund ta kontaktoni përmes email adresave zyrtare
kgjk@rks-gov.net apo k.gjyqesor.ks@gmail.com si dhe përmes numrit zyrtar të telefonit
038 200 17 494.

Adresa: Luan Haradinaj, nr. 133, 10000 Prishtinë.
Orari i punës: Hënë – Premtë: 08:00 – 16:00