Kopenhagë, 29 prill – 1 maj 2024 – Kryesuesi i Këshillit Gjyqësor të Kosovës (KGJK), Albert Zogaj, së bashku me Drejtorin e Përgjithshëm të Shërbimit Korrektues të Kosovës, Ismail Dibrani, Kryesuesen e Panelit për Lirim me Kusht (PLK), Valdete Daka dhe anëtarë të PLK-së, po mbajnë takime me përfaqësues nga Departament për Drejtësi, Polici dhe Siguri (DDPS) në Kopenhagë.
Gjatë këtyre takimeve, po diskutohet lidhur me zhvillimin dhe zbatimin e politikave të drejtësisë, sigurisë publike dhe sistemit korrektues në Kopenhagë, me qëllim të shkëmbimit të përvojave dhe njohurive mes dy vendeve në fushën e drejtësisë penale dhe korrektuese, si dhe informimit mbi procesin e sistemit danez të lirimit me kusht, nga kërkesat fillestare deri në trajtimin përfundimtar të tyre. Mes tjerash, delegacioni do të njihet me mënyrat e mbikëqyrjes dhe trajtimit të rasteve për lirim me kusht, përfshirë procesin e rivendosjes, monitorimin elektronik të personave të liruar me kusht, si dhe çështjeve të tjera me rëndësi.
Delegacioni nga Kosova dhe përfaqësuesit danez, theksuan vazhdimin e bashkëpunimit në mes të dy shteteve, me qëllim të avancimit të sistemit gjyqësor dhe shërbimit korrektues të Republikës së Kosovës.