KGJK ka miratuar:

• Rregulloren për Procedurën e Rekrutimit, Pranimit, Emërimit dhe Punës Provuese për të Punësuarit në Administratën e Sistemit Gjyqësor;
• Autorizimin e Drejtorit të Sekretariatit të KGJK-së të ndërmerr të gjitha veprimet e nevojshme për inicimin e procedurave për shpalljen publike të konkursit të jashtëm të brendshëm, sipas planit të përgjithshëm të personelit për gjyqtarë dhe administratën gjyqësore për vitin 2024;
• Kërkesën e Departamentit për Evidencë Penale në SKGJK për vazhdimin e marrëdhënies së punës së konsulentëve ligjor në gjykata edhe për tre muaj;
• Vazhdimin e kontratave të punës për zyrtarët e angazhuar paraprakisht në gjykata dhe Sekretariat, me mbështetjen e projektit të UNDP-së;
• Kërkesat për transfer të përhershëm të bashkëpunëtorëve profesional, sipas rekomandimeve të Komisionit për trajtimin e kërkesave për transferimin të përhershëm të bashkëpunëtorëve profesional, duke refuzuar një kërkesë për shkak të vendeve jo të lira;
• Autorizimin e Kryesuesit të KGJK-së për nënshkrimin e Memorandumit të mirëkuptimit në mes të KGJK-së dhe Radio Televizionit të Kosovës;
• Shpalljen e konkursit të brendshëm për anëtarë të Komisionit për Vlerësimin e Performancës së Gjyqtarëve, nga radha e gjyqtarëve të Gjykatës Supreme, Gjykatës së Apelit dhe gjykatave themelore, me ç’rast u themelua komisioni ad hoc për pranimin dhe shqyrtimin e dokumentacionit të kandidatëve;
• Plotësimin e listës së përkthyesve dhe interpretëve gjyqësorë të certifikuar më parë me aktvendim nga ish Gjykatat e Qarkut dhe të njëjtit certifikohen dhe emërohen sipas listave të bashkangjitura për çiftet e gjuhëve: Shqip-Kroatisht dhe Anasjelltas, dhe Shqip-Italisht dhe Anasjelltas.