Gjatë takimit, u diskutua lidhur me sundimin e ligjit, zhvillimet e përgjithshme në gjyqësor si dhe çështje të ndryshme duke përfshirë pavarësinë e gjyqësorit, transparencën dhe rritjen e efikasitetit. 

Kryesuesi i KGJK-së, ka falënderuar Ambasadorin Angılı për mbështetjen e vazhdueshme që Turqia ofron për Kosovën, dhe njëherit diskutuan për rëndësinë e bashkëpunimit në fusha të caktuara me qëllim që të rritet efikasiteti në sundimin e ligjit dhe forcimin e shtetit të së drejtës. 

Po ashtu, Ambasadori Angılı, shprehu gatishmërinë për vazhdimin e bashkëpunimit duke ofruar përvojat më të mira nga Turqia për të ndihmuar institucionet e sistemit të drejtësisë në Kosovë për rritje të progresit. 

Mes tjerash, është diskutuar për përfaqësimin e komunitetit turk në sistemin gjyqësor.

Kryesuesi Zogaj, në emër të KGJK-së shprehu gatishmërinë për të vazhduar bashkëpunimin në mes të sistemit gjyqësor dhe Ambasadës së Turqisë.