Prishtinë, 14 qershor 2023 – Kryesuesi i Këshillit Gjyqësor të Kosovës (KGJK), Albert Zogaj, priti në takim Drejtorin për Koordinimin e Programeve të Këshillit të Evropës, z. Claus Neukirch, Shefin e Zyrës së Këshillit të Evropës në Prishtinë, z. Frank Power dhe Udhëheqësen e Programit Horizontal, znj. Katerina Markovova.
Në këtë takim, u diskutua rreth zhvillimeve të fundit në gjyqësor si dhe zbatimit të reformave në kuadër të sistemit të drejtësisë.
Kryesuesi Zogaj, në emër të KGjK-së, falënderoi përfaqësuesit e Këshillit të Evropës për bashkëpunimin e vazhdueshëm dhe shprehi gatishmërinë për bashkë koordinim në realizimin e aktiviteteve të planifikuara me qëllim të fuqizimit të sundimit të ligjit.