Prishtinë, 27 korrik 2022 – Kryesuesi i Këshillit Gjyqësor të Kosovës (KGJK), Albert Zogaj, mori pjesë në takimin e shtatë të Komitetit Drejtues të Programit të Bashkimit Evropian për Sektorin e Drejtësisë në Kosovë – EUKOJUST.
Në këtë takim, u diskutua rreth zbatimit të projektit në fjalë, me ç’rast u miratua Raporti i Pestë Tremujor nga anëtarët e komitetit drejtues me të drejtë vote. Mes tjerash, u prezantuan aktivitetet dhe rezultatet gjatë periudhës raportuese si dhe Plani i Punës së Projektit për periudhën Korrik – Shtator 2022.
Kryesuesi Zogaj falënderoi projektin EUKOJUST për angazhimin dhe mbështetjen e vazhdueshme si dhe ri theksoi gatishmërinë e KGJK-së për bashkë koordinim në aktivitetet e planifikuara, me qëllim të ngritjes së efikasitetit, llogaridhënies dhe transparencës në sistemin gjyqësor.