Sot me datë 22 qershor 2017, Kryesuesi i Këshllit Gjyqësor të Kosovës, z. Nehat Idrizi u takua me z. James Macbeth Forbes- Drejtor për Kosovë i GIZ-it, z.Peter Ertl- Ekspert Ligjor, dhe znj.Yllka Pajaziti- Këshilltare Ligjore.
Në takim morën pjesë edhe dy anëtarët e KGJK-së, gjyqtarja Manushe Karaçi dhe gjyqtari Muhamet Rexha. Qëllimi i këtij takimi ishte vazhdimi i bashkëpunimit teknik në mes të KGJK-së dhe GIZ-it.
Në përfundim të këtij takimi u nënshkrua Marrëveshja për Zbatim të Projekteve për Bashkëpunim Teknik në mes të KGJK-së dhe GIZ-it.
Kjo marrëveshje është projektuar për të sigurar vazhdimin e bashkëpunimit në mes të KGJK-së dhe GIZ-it, dhe fokusohet në forcimin e kapaciteteve të Akademisë së Drejtësisë, përmirësimin e kushteve për menaxhimin efikas të procesimit të lëndëve, forcimin e administratës gjyqësore dhe ndihmesën në barazinë gjinore në gjyqësor.
Marrëveshja është nënshkruar nga Kryesuesi Idrizi dhe z. James Macbeth Forbes- Drejtor për Kosovë i GIZ-it. Do të jetë në fuqi deri më 31 Dhjetor 2018, duke lënë mundësinë që të vazhdohet.