Prishtinë, 26.12.2024 – Kryesuesi i Këshillit Gjyqësor të Kosovë (KGjK), Albert Zogaj, priti në takim Kryetarin e Odës së Përmbaruesve Privat të Kosovës, Isa Shala dhe Zëvendës Drejtorin e Programit të USAID ‘Drejtësia Komerciale’, Qemajl Marmullakaj.
Qëllimi i takimit ishte diskutimi për rregullimin dhe përcaktimin e procedurave për shkëmbimin e të dhënave në formë elektronike, mes Sistemit për Menaxhimin e Lëndëve (SMIL) dhe Sistemit për Menaxhimin e Përmbarimit (EMS) për menaxhimin e të dhënave të lëndëve në mes gjykatave dhe zyrave të përmbaruesve privat.
Gjatë këtij takimi, Kryesuesi Zogaj shprehu mirënjohjen e tij për mbështetjen e programit Drejtësia Komerciale, duke theksuar se: “Ky hap i rëndësishëm do të përmirësojë efikasitetin dhe do të rrisë cilësinë e shërbimeve për të gjithë qytetarët”.
KGJK-ë dhe OPK-ë shprehën gatishmërinë për formimin e një grupi të përbashkët për caktimin dhe mënyrën e shkëmbimit tët të dhënave nga sistemet SMIL dhe EMS.