Gjatë këtij takimi, u diskutua për mbarëvajtjen e punës, rezultatet dhe sfidat me të cilat është duke u përballur Departamenti Special, me theks të veçantë kryerjen e lëndëve me prioritet, e në veçanti lëndët si luftimi i krimit të organizuar dhe korrupsioni, terrorizmi etj.

Kryesuesi Zogaj, shprehu mbështetjen e plotë të KGJK-së për Departamentin Special dhe njëkohësisht, kërkoi angazhim nga gjyqtarët dhe stafi i departamentit për realizimin e detyrave në bazë të përgjegjësive, me qëllim të rritjes së transparencës dhe llogaridhënies në sistemin gjyqësor.