Nga viti 2002 deri në vitin 2008, z. Ibrahimi ka qenë gjyqtar në Gjykatën Komunale në Prishtinë, ndërsa nga viti 2008 është emëruar gjyqtar në Gjykatën e Qarkut në Prishtinë ku pas katër (4) viteve është zgjedhur kryetar i kësaj Gjykate. Më 01.01.2013, është emëruar kryetar i Gjykatës Themelore në Prishtinë dhe këtë pozitë e ka mbajtur deri në përfundimin e mandatit të tij. Më pas, ka ushtruar funksionin e gjyqtarit në Departamentin për Krime të Rënda në Gjykatën Themelore në Prishtinë deri në përzgjedhjen e tij si gjyqtar në DhPGjS.

Kryesuesi i Këshillit Gjyqësor të Kosovës (KGJK), z. Albert Zogaj dhe Kryetari i Gjykatës Supreme z. Enver Peci, falënderuan gjyqtarin Hamdi Ibrahimi për punën dhe kontributin e dhënë në sistemin gjyqësor, duke çmuar lartë përkushtimin dhe profesionalizmin e treguar gjatë këtyre viteve.