Prishtinë, 01.10.2021 – Kryesuesi i Këshillit Gjyqësor të Kosovës (KGJK), Albert Zogaj, ka hapur sot punëtorinë tre ditore të KGJK-së, me qëllim të diskutimit dhe hartimit:
- Rregullores për disiplinimin e anëtarëve të Këshillit Gjyqësor të Kosovës;
- Rregullores për kryetar të gjykatave;
- Rregullores për administratorë;
- Rregullores për ekspert gjyqësor;
- Udhëzimit Administrati për përdorimin e veturave;
- Strukturës organizative për Sekretariatin e KGjK-së, Gjykatë Supreme, Gjykatës Apelit dhe gjykatave themelore;
- Organizmin dhe funksionimin e punës së përkthyesve në sistemin gjyqësor;
Gjatë ditëve në vijim, sipas agjendës pritet të diskutohet për:
- Memorandumin e Mirëkuptimit me Policinë e Kosovës (PK);
- Memorandumin e Mirëkuptimit në mes të KGjK dhe MSC;
- Projekt propozimin e Projektit SMIL – Faza tranzitore.
Kryesuesi i KGJK-së, Albert Zogaj, ka theksuar se KGJK mbetet e përkushtuar që në bashkëpunim me gjykatat të punojë për përmirësimin e kushteve të punës me qëllim të avancimit të sistemit gjyqësor si dhe ngritjes së transparencës dhe llogaridhënies.
Kjo punëtori është organizuar me mbështetjen e Misionit të OSBE-së në Kosovë.