Prishtinë, 08.06.2021 – Sot në Gjykatën Themelore në Ferizaj dhe Gjykatën Themelore në Prishtinë është zhvilluar procesi i votimit për kandidatët për anëtarë të Këshillit Gjyqësor të Kosovës (KGjK).
Nga radhët e Gjykatës Themelore në Ferizaj, kandidate për anëtarë të KGjK, me shumicë votash është zgjedhur gjyqtarja, Mirlinda Bytyqi Rexhepi – Departamenti i Përgjithshëm -Divizioni Civil, ndërsa, nga radhët e Gjykatës Themelore në Prishtinë, kandidate për anëtarë të KGjK, me shumicë votash është zgjedhur gjyqtarja, Arjeta Sadiku – Departamenti për Çështje Administrative.
Në Gjykatën Themelore në Prishtinë në raundin e parë kanë fituar shumicën e votave, gjyqtarja Arjeta Sadiku dhe gjyqtari Kujtim Krasniqi për të vazhduar në raundin e dytë.
Pas votimit në raundin e dytë me votim të fshehtë me shumicë votash, gjyqtarja Arjeta Sadiku mori votat e duhura nga kolegët e saj si kandidate për anëtare të KGjK-së. Procesi i votimit të kandidatëve për anëtarë të KGjK-së, do të vazhdojë, nesër në Gjykatën Themelore në Pejë dhe Prizren dhe pasnesër në Gjykatën Themelore Gjakovë dhe Gjilan.
