Prishtinë, 25 qershor 2018 – Krerët e sistemit gjyqësor dhe prokurorial të Kosovës, kryesuesi i Këshillit Gjyqësor të Kosovës, Nehat Idrizi, kryesuesi i Këshillit Prokurorial të Kosovës, Blerim Isufaj, kanë pritur në takim një delegacion nga Norvegjia të përbërë nga, Arild Momberg Sande, Sven Mairus Urke dhe Stein-Ivar Lothe të cilët janë përfaqësuan Ministrinë e Punëve të Jashtme të Norvegjisë që është donatore e Projektit të Sistemit Informativ të Menaxhimit të Lëndëve (SMIL.)
Krerët e sistemit gjyqësor dhe prokurorial kanë njoftuar delegacionin Norvegjezë me progresin e realizimit të aktiviteteve kryesore të projektit.Sa i përket sistemit gjyqësor, ne kemi filluar me përdorimin e sistemit në pesë gjykatat themelore dhe degët e tyre në lëminë penale. Që nga fillimi i trajnimeve dhe përdorimit të sistemit të SMIL, sistemi është pritur mirë dhe menjëherë është filluar me përdorimin e sistemit me lëndë reale në punë.
Progresi i arritur është, se tani të gjitha lëndët e reja në pesë regjione në Lëminë Penale menjëherë regjistrohen në SMIL, ndërsa një pjesë e konsiderueshme e lëndëve kryhet edhe nga gjykatësit – tha mes tjerash, kryesuesi i KGJK, Nehat Idrizi.
Ne si Këshill Prokurorial nga qershori i këtij viti kemi filluar pilotimin në Prokurorinë Themelore në Ferizaj e cila është përzgjedhur si Prokurori modele dhe së bashku me Kryeprokurorin, prokurorët dhe stafin administrativë kemi diskutuar për organizimin, trajnimin dhe vënien në zbatim të Projektit SMIL – tha mes tjerash, kryesuesi i KPK, Blerim Isufaj.
Krerët e KGjK-së dhe KPK-së, duke i falënderuar për përkrahje të gjer tanishme u premtuan përfaqësuesve të donatorëve, se janë të përkushtuar në përgatitjen e projekt propozimit të fazës së ardhshme të projektit, duke përcaktuar obligimet që duhet t’i marrim të cilat do të ndikojnë në qëndrueshmërinë e SMIL-it.